Beato Pietro da Mogliano Marche. L’arcivescovo Fermano chiede la beatificazione 10 e 15 luglio 1755.
Alla santità di nostro signore papa Benedetto XIV.
Beatissime pater, post humillima pedum oscula. Tertium nunc habitur saeculum ex quo beatus Petrus a Molleano a praeclaro huius Firmanae Dioecesis loco, ubi ipse natus est, pretiosam in conspectu Domini mortem Camerini oppetiit. Libenter audio, beatissime pater, quod ex expletis nuper iuxta Romanae curiae stylum consuetis processibus propositio causae jam immineat in s. Rituum congregatione super casu excepto in celebri constitutione Urbani VIII felicis recordationis, quare enixas preces meas, obsequentissime, ad te defero, ut supremo sanctitatis tuae judicio cultus memoriam hominum excedens, et diu beato Petro hactenus paestitus jugiter servetur. Plura sane ad id alacriori animo expetendum me compellunt; agitur enim de fervido Minoritici ordinis alumno, qui pervigil custos sensuum suorum huicmet Picenae provinciae compluiries praefectus administer, licet invitus, specimen semper et exemplar bonorum operum se praebuit, et quia praedicti muneris sarcinam deponere quandoque cupiebat, ut Deo et proximorum saluti ardentius vacaret, in comitiis provincialibus habitis in oppido Sancti Elpidii huius dioecesis anno 1479 voti compos factus fuit. Viget praeterea, ac in perpetuas vigebit aeterniates fama curationum et prodigiorum quibus omnipotens Deus indefessos labores, conciones, missionesque huius apostolici viri in hac civitate ac dioecesi Firmana praesertim habitas confirmare ac illustrare dignatus est. Demum me urgent erga sacrum et incorruptum corpus inconcussa monumenta praecipui cultus populi Molleani qui memor beneficiorum conterranei sui, dum pestifera lues ibidem grassabatur, suburbanum sacellum in honorem ejusdem beati Petri Deo dicavit. Haec igitur, beatissime pater, expendas quaeso intra sacrarium mentis suae et pro tua sapientia de eius cultu statuas quod ad gloriam Dei et populi aedificationem censueris pertinere. Interea mihi , dioecesi, atque universae provinciae meae apostolicam benedictionem largiaris. Firmi VI idus julii MDCCLV.
(Eidem) sancto dom. nostro Benedicto papae XIV
Post humillima pedum oscula. Ea omnia quae fusius tibi retuli superiobus diebus, beatissime pater, de approbando cultu plurium saeculorum decursu constantissimae praestito non solum a Picena provincia, sed et a finitimis populis beato Petro a Molleano ordinis Minorum observantium, cuius sacrum corpus incorruptum et adhuc suavem spirans odorem in templo sacri Francisci civitatis Camerini ab anno MCCCCLXXXX usque ad haec tempora asservatur et colitur, modo subsequuntur juxta laudabilem morem hae novae humillimae preces quibus ardens desiderium meum huius dioecesis Firmanae ac totius seraphici ordinis clarius tibi innotescet. Honor autem qui beato Petro hic et alibi delatus est, adhuc hodie jugiter defertur tam in templis, quam extra templa ex fiducia populorum qui ejus precibus et comendatione merita Christi salutaria sibi fore sperant. Tu igitur, beatissime pater, ea qua polles cunctis in rebus sapientia, spem nostram fovens, et ad majorem Dei gloriam, eximium hunc divini verbi praeconem inter beatos in Ecclesia haberi velis. Interim ego venerabundus pedum tuorum repetitis osculis, apostolicam benedictionem a te humillime flagito. Firmi idibus julii MDCCLV. Humillimus aditissimus et observantissimus servus … Alexander archiepiscopus Borgia
